Մադրիդի «Ռեալի» հաջորդ գլխավոր մարզիչը կարող է լինել Խաբի Ալոնսոն։ Միաժամանակ, 43-ամյա մասնագետը գործող պայմանագիր ունի «Բայերի» հետ, որն ուժի մեջ է մինչև 2025/2026 մրցաշրջանի ավարտը, այսինքն՝ ևս մեկ տարով։

Այսպիսով, «սերուցքայինները» ստիպված կլինեն դրամական փոխհատուցում վճարել Ալոնսոյի համար։ Գերմանական Sky-ի լրագրող Ֆլորիան Պլետենբերգի խոսքով՝ «Բայերը» Խաբի Ալոնսոյի համար ցանկանում է ստանալ մոտավորապես 15-20 միլիոն եվրո։

«Բայերը» դեռ հույս ունի թիմի ղեկին պահել Խաբի Ալոնսոյին: Միաժամանակ լևերկուզենցիներն արդեն ուսումնասիրում են մարզչական շուկան այն դեպքում, եթե Խաբին մեկնի Մադրիդ։