«Արսենալի» կիսապաշտպան Դեկլան Ռայսը մեկնաբանել է Չեմպիոնների Լիգայի 1/4 եզրափակիչի պատասխան արտագնա խաղում Մադրիդի «Ռեալի» նկատմամբ տարած հաղթանակը (2-1) և իր թիմի՝ մրցաշարի կիսաեզրափակիչ դուրս գալը։ Թիմերի միջև Լոնդոնում կայացած առաջին խաղն ավարտվել էր 3-0 հաշվով՝ հօգուտ «զինագործների»։
«Սա առանձնահատուկ, պատմական գիշեր է «Արսենալի» համար։ Այս մրցաշարում մենք նպատակ ունենք, ցանկանում ենք խաղալ լավագույն թիմերի դեմ և նվաճել գավաթը։
Շատ էր խոսվում «Ռեալի» վերադարձի մասին, քանի որ նրանք նախկինում շատ անգամ էին փրկել խաղը։ Բայց առաջին հանդիպումից մենք լի էինք մեր հանդեպ հավատով։ Մենք գիտեինք, որ այստեղ հեշտ չի լինելու, բայց գիտեինք, որ վերջում հաղթելու ենք։ Մենք սա նկատի ունեինք և հիմա այն կյանքի ենք կոչել։
Մենք զարմանալիորեն լավ ենք գործում այս Չեմպիոնների Լիգայում։ Այս ակումբը մոտակա տարիներին ինչ-որ առանձնահատուկ բանի կհասնի, մենք բոլորս լիովին համոզված ենք դրանում»,- ասել է Ռայսը TNT Sports-ին տված հարցազրույցում։
Չեմպիոնների լիգայի կիսաեզրափակչում «Արսենալը» կմրցի ՊՍԺ-ի հետ։
