«Բավարիայի» կիսապաշտպան Լեոն Գորեցկան ծրագրում է ամբողջությամբ մշակել ակումբի հետ պայմանագիրը։ Այս մասին հայտնում է լրագրող Քրիստիան Ֆալկը։
Աղբյուրի համաձայն՝ 30-ամյա ֆուտբոլիստի նկատմամբ լուրջ հետաքրքրություն է ցուցաբերում «Մանչեսթեր Յունայթեդը», որի հետ մշտական կապի մեջ են։ Սակայն ինքը՝ Գորեցկան, չի ցանկանում այս ամառ հեռանալ «Բավարիայից», քանի որ հասկանում է, որ իրեն ոչ ոք տարեկան 17 միլիոն եվրո աշխատավարձ չի տա, նշում է աղբյուրը։
Այս մրցաշրջանում Գորեցկան բոլոր մրցաշարերում անցկացրել է 35 հանդիպում՝ դառնալով 5 գոլի և մեկ գոլային փոխանցման հեղինակ։ Գերմանացի կիսապաշտպանի գործող պայմանագիրը «Բավարիայի» հետ ավարտվում է 2026 թվականի ամռանը: Transfermarkt-ի փորձագետները ֆուտբոլիստի արժեքը գնահատում են 22 միլիոն եվրո:
