«Չելսին» 20 տարի առաջ Ժոզե Մոուրինյոյի դեբյուտային մրցաշրջանում վստահորեն նվաճեց Անգլիայի չեմպիոնությունը։ Լոնդոնյան թիմի նախկին կիսապաշտպան Ջոն Թերին կարծում է, որ «Չելսին» ավելի ուժեղ էր, քան անպարտելի «Արսենալը»։

«Չեմ կարծում, որ կարելի է համեմատել «Չելսին» 2004/05թթ.-ին և «Արսենալին»։ Կարծում եմ, որ մենք ավելի լավն էինք։ Մենք միայն մեկ խաղում պարտվեցինք, որը չպետք է պարտվեինք՝ «Մանչեսթեր Սիթին»։ Անպարտելի «Արսենալը» 12 ոչ-ոքի գրանցեց»,- Թերիի խոսքերն է մեջբերում The Telegraph-ը։

2004/05 մրցաշրջանի 38 հանդիպումներում «Չելսին» հաղթել է 29 անգամ, 8 անգամ ոչ-ոքի խաղացել և 1 անգամ պարտվել։ Անցած մրցաշրջանում «Արսենալը» 38 խաղում տոնել է 26 հաղթանակ և 12 ոչ-ոքի։