«Մանչեսթեր Յունայթեդը» շարունակում է հետաքրքրություն ցուցաբերել «Ատալանտայի» 25-ամյա կիսապաշտպան Էդերսոնի նկատմամբ և առաջիկա շաբաթների ընթացքում պատրաստվում է առաջարկ անել նրա համար։ Այս մասին հայտնում է Tuttomercatoweb-ը։
Աղբյուրի համաձայն՝ իտալական ակումբը մտադիր է բրազիլացի ֆուտբոլիստի համար պահանջել մոտ 60 միլիոն եվրո։ Էդերսոնը բաց է այլ թիմ տեղափոխվելու համար և չի շտապում երկարաձգել պայմանագիրը «Ատալանտայի» հետ։ «Մանչեսթեր Սիթին» կարող է լինել «կարմիր սատանաների» մրցակիցը 25-ամյա խաղացողի համար պայքարում։
Այս մրցաշրջանում Էդերսոնը բոլոր մրցաշարերում անցկացրել է 42 հանդիպում՝ դառնալով չորս գոլի և երկու գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2027 թվականի ամառը։
