Մադրիդի «Ռեալը» կուժեղացնի կազմը ամառային տրանսֆերային պատուհանի ժամանակ։ Ըստ The Athletic-ի, մադրիդյան ակումբի մարզիչ Կառլո Անչելոտտին մարտին տեղեկացվել է, որ աջ պաշտպան Տրենտ Ալեքսանդր-Առնոլդը կմիանա թիմին ամռանը:
Ինչպես հայտնի է, մամուլը վաղուց էր կապում 26-ամյա Տրենտին Մադրիդի «Ռեալի» հետ։ Մադրիդյան ակումբը, ամենայն հավանականությամբ, պաշտպանին անվճար պայմանագիր կկնքի որպես ազատ գործակալ: Բայց եթե լոսբլանկոսները ցանկանում են արագացնել գործարքը և այն կնքել մինչև Աշխարհի ակումբային առաջնությունը, ապա ստիպված կլինեն որոշակի փոխհատուցում վճարել «Լիվերպուլին»:
Ինչպես գիտեք, աշխարհի ակումբային առաջնությունից առաջ՝ հունիսի 1-ից 10-ը, բաց է լինելու հատուկ տրանսֆերային պատուհանը։
