ՊՍԺ-ն և Կիլիան Մբապպեն շարունակում են դիմակայությունը։ Ակումբը մտադիր չէ նախկին խաղացողին վճարել 55 միլիոն եվրո՝ հաշվի առնելով նրա՝ անվճար չհեռանալու խոստումը:
Ինչպես հայտնի է, Մբապպեն «Ռեալ» է տեղափոխվել ազատ գործակալի կարգավիճակով, ինչը նշանակում է, որ փարիզցիները տրանսֆերի ընթացքում ոչինչ չեն վաստակել։ Կիլիան Մբապպեի փաստաբան Դելֆին Վերհեյդենը մի շարք հայտարարություններ է արել, որոնց պատասխանել է ՊՍԺ-ն։
«Այսօր զուգահեռ ևս մեկ ֆանտաստիկ պատմություն լսելուց հետո ՊՍԺ-ն դեռ չի հասկանում, թե ինչու Մբապպեն չի դիմում աշխատանքային պալատ՝ միակ մարմինը, որը իրավասու է լուծել վեճը խաղացողի և նրա նախկին ակումբի միջև:
Մբապպեի փաստաբանների հայտարարած բոլոր ընթացակարգերը միայն հետաձգում են վեճի լուծումը աշխատանքային պալատի կողմից» , – ասված է ակումբի հայտարարության մեջ։
