Հեղինակավոր ինսայդեր Ֆաբրիցիո Ռոմանոն զեկույց է հրապարակել «Լիվերպուլի» ֆուտբոլիստների մասին, որոնց պայմանագրերը լրանում են հունիսի վերջին։ Խոսքը Տրենտ Ալեքսանդր-Առնոլդի, Վիրջիլ վան Դեյկի և Մոհամեդ Սալահի մասին է։
Ռոմանոն հաստատել է այլ աղբյուրների տեղեկությունն այն մասին, որ Սալահը մոտ է «Լիվերպուլի» հետ նոր պայմանագիր կնքելուն։ Ակումբի և 32-ամյա եգիպտացու միջև բանակցություններն ավարտական փուլում են։
«Լիվերպուլը» վստահ է, որ կպահի Սալահին և վան Դեյկին, մինչդեռ Ալեքսանդր-Առնոլդը մոտ է Մադրիդի «Ռեալին» միանալուն,- գրել է Ռոմանոն սոցիալական ցանցերում:
«Լիվերպուլի» հաջորդ հանդիպումը կկայանա ապրիլի 13-ին՝ սեփական հարկի տակ «Վեսթ Հեմի» դեմ։
