Մադրիդի «Ռեալը» Լոնդոնում պարտվեց «Արսենալին» Չեմպիոնների Լիգայի քառորդ եզրափակչի առաջին խաղում՝ 0-3 հաշվով։
«Ռեալի» դարպասապահ Տիբո Կուրտուան, ով երկու անգամ բաց թողեց Դեկլան Ռայսի տուգանային հարվածներից հետո, խոստովանել է, որ կիսապաշտպանից նման գոլեր չէր սպասում։
«Ես գիտեի, որ Ռայսը շատ լավ տուգանային իրացնող է, բայց ես չէի հավատում, որ նա այդքան կարող է պտտել գնդակը։ Ինչ վերաբերում է երկրորդ հարվածին, ապա չեմ կարծում, որ նա կարող էր ավելի լավ հարվածել։
Մենք անհարկի խախտումներ թույլ տվեցինք, երբ դարպասին վտանգ չկար։ Եթե գիտես, որ խաղում ես տուգանային հարվածներ իրացնող լավ ֆուտբոլիստներ ունեցող թիմի դեմ, չես կարող այդ խախտումները կատարել։ Ես կշարունակեմ ուսումնասիրել մրցակցին պատասխան հանդիպման համար»,- Կուրտուայի խոսքերն է մեջբերում Real Madrid Info-ն։
