«Արսենալի» գլխավոր մարզիչ Միկել Արտետան ամփոփել է Չեմպիոնների Լիգայի քառորդ եզրափակչի առաջին խաղում Մադրիդի «Ռեալի» նկատմամբ տոնած խոշոր հաշվով հաղթանակը (3-0)։
«Եթե 20 տարի այս մրցաշարում մեծ պատմություն չեք ունեցել, ապա պետք է պատրաստ լինեք գրել ձեր սեփականը։ Դա հնարավոր դարձավ մեր ֆուտբոլիստների անհատական և հավաքական որակների շնորհիվ։
Ես բացարձակապես համոզված էի, որ նման արդյունք հնարավոր է։ Զգում էի, որ նախապատրաստության ընթացքում կարող ենք շատ խնդիրներ ստեղծել։ Բայց սա դեռ պետք էր անել։ Եթե դուք ունեք մտածելակերպ և համոզմունք, որ դա կարող է տեղի ունենալ, դուք կարող եք դա իրականացնել։ Մենք դա արեցինք, բայց սա աշխատանքի միայն առաջին մասն է։ Մադրիդում ստիպված կլինենք էլ ավելի լավ խաղալ։
Երեք ու կես տարի է անցել այն պահից, երբ մենք վերջին անգամ գոլ խփեցինք տուգանային հարվածից։ Այս երեկո հսկայական դեր խաղացին անհատական որակները։ Այսպիսին են գործերն այս մրցաշարում։ Եվ երրորդ գոլը ֆանտաստիկ կերպով խփվեց թիմային աշխատանքի շնորհիվ»,- Արտետայի խոսքերն է մեջբերում Sky Sports-ը։
Պատասխան հանդիպումը կկայանա ապրիլի 16-ին Մադրիդում։
