Բրազիլիայի հավաքականի նոր մարզիչը պետք է լինի պորտուգալացի մասնագետ Խորխե Ժեզուսը, ով ներկայումս մարզում է Սաուդյան Արաբիայի «Ալ-Հիլալը»։
Այս մասին հայտնում է UOL Esporte-ն։
Նշվում է, որ 70-ամյա Ժեզուսը ներկայումս լրջորեն քննարկվող միակ թեկնածուն է։ Սակայն նրա նշանակումն անհապաղ չի լինի։ Նշվում է, որ մասնագետը կմնա սաուդյան ակումբում մինչև մայիսի 3-ին նախատեսված ասիական Չեմպիոնների Լիգայի եզրափակիչի ավարտը։
Նրա բարձր աշխատավարձը Սաուդյան Արաբիայում, որը գերազանցում է տարեկան տասը միլիոն եվրոն, կլինի գործարքը կարգավորելու առանցքային կետերից մեկը։ Բրազիլիայի հավաքականում մասնագետը կկարողանա զգալիորեն ավելի քիչ վարձատրվել։ Այնուամենայնիվ, Բրազիլիան լիովին վստահ է, որ համաձայնություն ձեռք կբերվի։
Ժեզուսը իր մարզչական կարիերայում աշխատել է Բրազիլիայում. 2019-2020 թվականներին նա գլխավորել է «Ֆլամենգոն», որի հետ դարձել է երկրի չեմպիոն, Բրազիլիայի Սուպերգավաթի և Լիբերտադորեսի գավաթի հաղթող։
