«Միլանի» իսպանացի հարձակվող Ալվարո Մորատան, ով վարձավճարով հանդես է գալիս «Գալաթասարայում», կարող է վերադառնալ հայրենիք։
Ինչպես տեղեկացնում է Fichajes-ը, 32-ամյա ֆուտբոլիստի ծառայություններով հետաքրքրված է «Խետաֆեն»։
Ըստ աղբյուրի՝ հարձակվողն ինքը դեմ չէ Իսպանիա վերադառնալուն։ Մորատան վարձավճարով հանդես է գալիս «Գալաթասարայում» այս տարվա փետրվարից։ Թուրքական ակումբի կազմում նա մասնակցել է ութ հանդիպման, դարձել երեք գոլի և մեկ գոլային փոխանցման հեղինակ։
Հարձակվողի պայմանագիրը «Միլանի» հետ նախատեսված է մինչև 2028 թվականը։
