«Մանչեսթեր Սիթիի» նորվեգացի հարձակվող Էրլինգ Հոլանդը կարող է հեռանալ թիմից։ Այս հայտնում է El Nacional-ը։
Ըստ աղբյուրի՝ 24-ամյա ֆուտբոլիստը վերջին արդյունքների պատճառով սկսում է հիասթափվել անգլիական ակումբից, ուստի քննարկվում է ակումբը փոխելու հնարավորությունը։ «Սիթին» դժվար կլինի պահել Հոլանդին, եթե նա վերջնական որոշում կայացնի հեռանալու մասին, թեև նրա պայմանագիրը նախատեսված է մինչև 2034 թվականը։
ՊՍԺ-ն և «Բավարիան» հետևում են ֆուտբոլիստի շուրջ ստեղծված իրավիճակին։
Հիշեցնենք, որ Էրլինգ Հոլանդը կոճի վնասվածք էր ստացել Անգլիայի գավաթի քառորդ եզրափակչի «Բորնմութի» դեմ խաղում (2-1)։ «Մանչեսթեր Սիթիի» գլխավոր մարզիչ Պեպ Գվարդիոլան ասել է, որ նորվեգացին բաց կթողնի հինգից յոթ շաբաթ։
Այս մրցաշրջանում Հոլանդը «Մանչեսթեր Սիթիի» կազմում անցկացրել է 40 հանդիպում՝ դառնալով 30 գոլի և 4 գոլային փոխանցման հեղինակ։
