77 տարեկան հասակում մահացել է Լիսաբոնի «Սպորտինգի» ֆուտբոլիստների հավաքագրման բաժնի ղեկավար Աուրելիո դա Սիլվա Պերեյրան։ Այս մասին հայտնում է ակումբի մամուլի ծառայությունը։
Հենց Պերեյրան թիմ բերեց Կրիշտիանու Ռոնալդուին։
Պորտուգալացին, ով այժմ հանդես է գալիս «Ալ Նասրում», ցավակցություն է հայտնել՝ իր սոցիալական ցանցում հաղորդագրություն թողնելով։
«Համաշխարհային մարզումների մեծագույն խորհրդանիշներից մեկը լքել է մեզ, բայց նրա ժառանգությունը հավերժ կապրի։ Ես երբեք չեմ դադարի երախտապարտ լինել այն ամենի համար, ինչ դու արել ես ինձ և շատ այլ խաղացողների համար։ Ցտեսություն պարոն Աուրելիո, շնորհակալություն ամեն ինչի համար։ Հանգչիր խաղաղությամբ»,- գրել է Ռոնալդուն:
Կրիշտիանու Ռոնալդուն եղել է «Սպորտինգի» համակարգի անդամ 1997-ից 2003 թվականներին։
