«Լիվերպուլը» հետաքրքրություն է ցուցաբերում «Բարսելոնայի» 26-ամյա կենտրոնական պաշտպան Ռոնալդ Արաուխոյի նկատմամբ, ում մերսիսայդցիները տեսնում են որպես 33-ամյա Վիրջիլ վան Դեյկի հավանական փոխարինող, ում պայմանագիրն ակումբի հետ ավարտվում է հաջորդ ամառ։
Այս մասին հայտնում է Relevo-ն։
Աղբյուրի համաձայն, Արաուխոյի նոր աշխատանքային պայմանագիրը, որը ստորագրվել է կատալոնական ակումբի հետ անցյալ հունվարին, նախատեսում է 65-75 միլիոն եվրո փոխհատուցում։ Միաժամանակ «Բարսելոնան» հետաքրքրություն է ցուցաբերում «Լիվերպուլի» վինգեր Լուիս Դիասի նկատմամբ։ Հնարավոր է, որ կոլումբիացի ֆուտբոլիստը կարող է դառնալ Արաուխոյին ձեռք բերելու գործարքի մաս։
Այս մրցաշրջանում պաշտպանը բոլոր մրցաշարերում մասնակցել է 15 հանդիպման, որոնցում դարձել է երկու գոլի և երկու գոլային փոխանցման հեղինակ։ Արաուխոյի ներկայիս աշխատանքային պայմանագիրն ակումբի հետ ուժի մեջ է մինչև 2031 թվականի ամառը։
Transfermarkt-ը ֆուտբոլիստի արժեքը գնահատում է 50 միլիոն եվրո։
