Եգիպտական «Մանչեսթեր Սիթիի» հարձակվող Օմար Մարմուշը կիսվել է Բունդեսլիգայի և Պրեմիեր լիգայի միջև եղած տարբերությունների մասին իր կարծիքով։
Ըստ Մարմուշի՝ հիմնական տարբերությունը խաղադաշտում ինտենսիվության մակարդակն է և խաղացողների ուժը։ Նա նաև ասաց, որ Պրեմիեր լիգան իրավամբ համարվում է աշխարհի լավագույն առաջնությունը։
«Բոլոր թիմերն աներևակայելի լավն են և ունակ են միմյանց հաղթելու»,- ասել է Մարմուշը Sky Sports-ին։
Մինչ Մանչեսթեր տեղափոխվելը Մարմուշը հանդես է եկել Ֆրանկֆուրտի «Այնտրախտում», որտեղ 26 խաղում դարձել է 20 գոլի և 14 գոլային փոխանցման հեղինակ։
Նա Անգլիայի առաջնություն է տեղափոխվել ձմեռային տրանսֆերային պատուհանի ժամանակ եւ այնտեղ անցկացրած 8 հանդիպումներում դարձել 5 գոլի հեղինակ։
