Մադրիդի «Ռեալի» գլխավոր մարզիչ Կառլո Անչելոտտին խոստովանել է, որ սխալ կազմ է ընտրել Լա Լիգայի «Վալենսիայի» հետ հանդիպման համար (1:2)։
Անչելոտտին պահեստայինների նստարանին թողեց Ռաուլ Ասենսիոյին և պաշտպանության կենտրոնում դրեց Օրելիեն Չուամենիին: Երկրպագուների կարծիքով՝ երեկվա հանդիպման արդյունքը մեծապես բացատրվում է այս փոփոխություններով պայմանավորված պաշտպանությունում կայունության պակասով։
«Միգուցե մենք իսկապես սխալվեցինք, և Ռաուլը պետք է խաղար», – Կառլոյի և Դավիդե Անչելոտտիի համատեղ հայտարարությունն է մեջբերում Madrid Universal-ը։
Այս մրցաշրջանում Ռաուլ Ասենսիոն խաղադաշտ է դուրս եկել Իսպանիայի առաջնության 16 խաղում, դարձել 1 գոլային փոխանցման հեղինակ։
