«Թոթենհեմը» մտադիր է առաջիկա ամռանը գնել «Բավարիայի» 19-ամյա հարձակվող Մատիս Թելին։ Ֆրանսիացի ֆուտբոլիստը լոնդոնյան ակումբին միացել է փետրվարին վարձավճարով։ Այս մասին հայտնում է Give me Sport-ը։
Աղբյուրի համաձայն՝ լոնդոնյան թիմը կարող է Թելին գնել 45 միլիոն ֆունտով (53,1 միլիոն եվրո)։ «Թոթենհեմը» դիտարկում է 19-ամյա խաղացողին որպես 32-ամյա Հյուն Մին Սոնի հավանական փոխարինող։
Հարավկորեացի ֆուտբոլիստը կարող է լքել թիմը այս մրցաշրջանի վերջում։
Լոնդոնյան ակումբ տեղափոխվելուց հետո Թելը բոլոր մրցաշարերում մասնակցել է ութ հանդիպման, որոնցում դարձել է մեկ գոլի հեղինակ։ Ֆուտբոլիստի ներկայիս աշխատանքային պայմանագիրը մյունխենյան ակումբի հետ ուժի մեջ է մինչև 2029 թվականի ամառը։
