Թոմաս Մյուլերը մրցաշրջանի ավարտից հետո կհեռանա «Բավարիայից», ինչպես արդեն պաշտոնապես հայտարարվել է։
Մյունխենյան թիմի հարձակվող Հարի Քեյնը մեկնաբանել է այս հարցը.
«Ի՜նչ լեգենդ է: Հաճելի էր այս երկու տարիները միասին կիսել: Եկեք ավարտը կատարյալ դարձնենք», – գրել է Քեյնը սոցցանցերում։
Թոմաս Մյուլերը 35 տարեկան է և իր ողջ կարիերան անցկացրել է «Բավարիայում»։ Մյունխենյան թիմի կազմում Մյուլլերն անցկացրել է 743 պաշտոնական հանդիպում, որոնցում դարձել է 247 գոլի և 273 գոլային փոխանցման հեղինակ։
Հաջորդ հանդիպումը «Բավարիան» կանցկացնի երեքշաբթի օրը՝ ապրիլի 8-ին, սեփական հարկի տակ Չեմպիոնների լիգայի շրջանակներում «Ինտերի» հետ։
