«Ժիրոնայում» վարձավճարով հանդես եկող «Յուվենտուսի» բրազիլացի կիսապաշտպան Արթուր Մելոյին երկու հոգի կողոպտել են։
Միջադեպը տեղի է ունեցել երեկ կեսօրին, երբ ֆուտբոլիստը գտնվել է ավտոկայանատեղիում։ Երբ նա հանեց տոմսը, անհայտ անձը վերցրեց Արթուրի ժամացույցը և անհետացավ մոտոցիկլետով իրեն սպասող ընկերոջ հետ։ Տուժածն անմիջապես դիմել է ոստիկանություն։ Այս մասին հայտնում է AS-ը։
Նշվում է նաև, որ այս միջադեպը որևէ կերպ չի ազդել ֆուտբոլիստի հաջորդ առաջնության խաղին նախապատրաստվելու վրա։
Ընթացիկ մրցաշրջանում Արթուր Մելոն մասնակցել է Լա լիգայի 6 հանդիպման և արդյունավետ գործողություններով աչքի չի ընկել։
