Մադրիդի «Ռեալի» դարպասապահ Անդրեյ Լունինը կարող է բաց թողնել Լա Լիգայի 30-րդ տուրի «Վալենսիայի» հետ առաջիկա հանդիպումը։
Ապրիլի 1-ին «Ռեալը» ոչ-ոքի խաղաց «Ռեալ-Սոսյեդադի» հետ՝ 4-4 հաշվով Իսպանիայի գավաթի կիսաեզրափակչի պատասխան խաղում և ընդհանուր հաշվարկով դուրս եկավ մրցաշարի եզրափակիչ փուլ։
Ինչպես հաղորդում է Relevo-ն, Լունինը, ով այս խաղում պաշտպանել է թիմի դարպասը, խաղից հետո անհարմարություն է զգացել սրունքի ներբանային մկանում և կարող է բաց թողնել «Վալենսիայի» հետ խաղը։
Հաշվի առնելով, որ Մադրիդի հիմնական դարպասապահ Տիբո Կուրտուան շարունակում է ապաքինվել մկանային վնասվածքից, երրորդ դարպասապահը՝ 19-ամյա Ֆրան Գոնսալեսը, կարող է իր նորամուտը նշել «Ռեալի» կազմում «Վալենսիայի» դեմ խաղում։
«Ռեալ Մադրիդ» – «Վալենսիա» հանդիպումը կկայանա ապրիլի 5-ին Մադրիդում և կմեկնարկի Երևանի ժամանակով 18։15-ին։
