ՈւԵՖԱ-ի Կարգապահական կոմիտեն Անտոնիո Ռյուդիգերի, Կիլիան Մբապպեի, Դանի Սեբալյոսի և Վինիսիուս Ժունիորի գործով որոշում կկայացնի ուրբաթ օրը՝ ապրիլի 4-ին։ Այս մասին հայտնում է Marca-ն։
ՈՒԵՖԱ-ն քննում է ֆուտբոլիստների անպարկեշտ պահվածքը մարտի 12-ին «Ատլետիկոյի» հետ Չեմպիոնների Լիգայի 1/8 եզրափակչի պատասխան խաղի ժամանակ։
Սպասվում է, որ բոլորը, բացի Ռյուդիգերից, դուրս կգան տուգանքներով և, հնարավոր է, մեկ խաղով որակազրկմամբ։ Ինչ վերաբերում է Ռյուդիգերին, ապա նա կարող է որակազրկվել «Արսենալի» դեմ քառորդ եզրափակչի խաղում սպառնալից ժեստերի համար։ Սակայն հնարավոր է նաև տուգանքի և պայմանական որակազրկման տարբերակը։
