Լոնդոնի «Չելսիի» գլխավոր մարզիչ Էնցո Մարեսկան բացատրել է, թե ինչու թիմի կիսապաշտպան Քոուլ Պալմերը չի կարողացել միանալ Անգլիայի ազգային հավաքականին միջազգային դադարի ընթացքում։
««Արսենալի» դեմ խաղից մեկ օր առաջ նա մկանային խնդիր ունեցավ։ Դա մեծ անհանգստություն չէր պատճառում, բայց նրան թույլ չտվեց մասնակցել «Արսենալի» դեմ հանդիպմանը և նաև միանալ ազգային թիմին։
Մենք միշտ ասում ենք, որ հավաքականում խաղալը ֆուտբոլիստի համար լավագույն տարբերակն է, բայց հանգիստը թե՛ Քոուլի, թե՛ մյուսների համար կարևոր էր», – Մարեսկայի խոսքերը մեջբերում է ակումբի պաշտոնական կայքը։
Այս մրցաշրջանում Անգլիացի կիսապաշտպանը «Չելսիի» կազմում մասնակցել է 33 հանդիպման բոլոր մրցաշարերում, որոնց ընթացքում դարձել է 14 գոլի և 6 գոլային փոխանցման հեղինակ։
