«Ֆիորենտինայի» իսպանացի դարպասապահ Դավիդ դե Խեան կարող է վերադառնալ Անգլիա։ Այս մասին հայտնում է deadlinedaylive-ը։

Ըստ աղբյուրի՝ «կարմիր սատանաները» ամառային տրանսֆերային պատուհանի ընթացքում կփորձեն դարպասապահ ձեռք բերել։ Մանկունիացիները կարծում են, որ սխալվել են՝ բաժանվելով իսպանացուց։

Հիշեցնենք, որ Դե Խեան «Մանչեսթեր Յունայթեդում» հանդես է եկել 2011-ից 2023 թվականներին։

Դավիդ դե Խեան իտալական ակումբին է միացել 2024 թվականի ամռանը։ Դարպասապահի աշխատանքային պայմանագիրը «մանուշակների» հետ նախատեսված է մինչև 2025 թվականի հունիսի վերջը։