Գաբրիել Մարտինելի․ «Մենք կփորձենք հաղթել և նվաճել տիտղոսը»

«Արսենալի» վինգեր Գաբրիել Մարտինելին կարծում է, որ իր թիմը կարող է հաջողության հասնել Պրեմիեր լիգայի ընթացիկ առաջնությունում:

Երեքշաբթի օրը «զինագործները» սեփական հարկի տակ հաղթեցին «Ֆուլհեմին» 30-րդ տուրի խաղում (2-1), սակայն աղյուսակի առաջատար «Լիվերպուլից» տարբերությունը դեռևս մեծ է՝ Արնե Սլոտի թիմի մեկ հանդիպում պակասով ինը միավոր։

«Մեզ կարևոր խաղ է սպասվում «Ռեալի» դեմ Չեմպիոնների լիգայում, ինչպես նաև կփորձենք հաղթել Պրեմիեր լիգան: Մենք կփորձենք հաղթել մեր հանդիպումներում և նվաճել տիտղոսը»,- ասել է Մարտինելին BBC-ին։

Շաբաթ օրը «Արսենալը» կխաղա «Էվերթոնի» հետ, իսկ հաջորդ երեքշաբթի Չեմպիոնների լիգայի քառորդ եզրափակիչի առաջին խաղում կհանդիպի Մադրիդի «Ռեալին»: