Լոնդոնի «Չելսիի» գլխավոր մարզիչ Էնցո Մարեսկան խոսել է թիմի նպատակների մասին։ «Ազնվականները» Պրեմիեր լիգայի 29 խաղից հետո չորրորդն են: Հինգշաբթի օրը Մարեսկայի թիմը կհյուրընկալվի «Թոթենհեմին»։
«Ես գիտեմ, որ «Չելսիի» մարզիչը պետք է հաղթի խաղերը, անկախ նրանից, թե որքան երիտասարդ է թիմը, թե տարեց: Ես պետք է հասնեմ հաղթանակների: Ինչպես նախկինում ասել եմ, այս ակումբը պետք է խաղա Չեմպիոնների լիգայում, և մենք ամեն ինչ կանենք այնտեղ հասնելու համար», – իտալացի մարզչի խոսքերն է մեջբերում «Չելսիի» պաշտոնական կայքը:
Հիշեցնենք, որ Էնցո Մարեսկան ընթացիկ մրցաշրջանի մեկնարկից առաջ ստանձնել էր լոնդոնյան թիմի գլխավորությունը։
