«Բարսելոնան» ուսումնասիրում է նոր աջ պաշտպան ձեռք բերելու տարբերակը, ով կարող է փոխարինել Ժյուլ Կունդեին այդ եզրում։ Այս մասին հայտնում է Sport.es-ը։

Աղբյուրի համաձայն, կատալոնական ակումբի սպորտային բաժինը դիտարկում է չորս թեկնածուների՝ 23-ամյա Վանդերսոնին (Մոնակո), 21-ամյա Մարկ Պուբիլեին (Ալմերիա), 24-ամյա Ժերեմի Ֆրիմպոնգին (Բայեր) և 18-ամյա Ջիվայրո Ռիդին (Ֆեյենորդ)։

Ընդգծվում է, որ Ֆրիմպոնգը ամենանախընտրելի տարբերակն է կատալոնացիների համար, սակայն լևերկուզենյան ակումբը նրա համար կպահանջի գումար, որը գերազանցում է այն, ինչ կարող է վճարել «Բարսելոնան»։

Բայց 24-ամյա պաշտպանին գնելու հարցում իսպանական գրանդին կարելի է օգնել՝ վաճառելով ներկայիս ֆուտբոլիստներին։