«Վուլվերհեմփթոնը» իր պաշտոնական կայքի միջոցով հայտնել է կիսապաշտպան Ժոաու Գոմեշի հետ պայմանագիրը երկարաձգելու մասին։
24-ամյա բրազիլացին նոր հինգ տարվա պայմանագիր է կնքել։ Գոմեշը «գայլերի» առաջատարներից է, և խոսակցությունները հաճախ նրան կապում են թոփ-ակումբների հետ։ Transfermarkt-ի գնահատված արժեքով Ժոաոն թիմի երկրորդ ամենաթանկ խաղացողն է՝ 40 միլիոն եվրո արժեքով:
Ավելի բարձր է միայն Մաթեուս Կունյան (55 մլն եվրո): «Վուլվզը» Պրեմիեր լիգայի մրցաշարային աղյուսակում 17-րդն է՝ 9 միավորով բարձր մնալով անկման գոտուց:
