«Մանչեսթեր Սիթիի» գլխավոր մարզիչ Խոսեպ Գվարդիոլան կիսվել է թիմի հարձակվող Էրլինգ Հոլանդի վերականգնման ժամկետների մասին տեղեկություններով։ Ավելի վաղ «Մանչեսթեր Սիթին» հայտնել էր, որ նորվեգացի հարձակվողը կոճի վնասվածք է ստացել։
«Բժիշկներն ինձ ասացին, որ նա դուրս է լինելու հինգից յոթ շաբաթ: Հույս ունենք, որ նա պատրաստ կլինի աշխարհի ակումբային առաջնությանը», – Գվարդիոլայի խոսքերն է մեջբերում «Քաղաքայինների» մամուլի ծառայությունը։
Այս մրցաշրջանում 24-ամյա Հոլանդը բոլոր մրցաշարերում անցկացրել է 40 հանդիպում, դարձել 30 գոլի և չորս գոլային փոխանցման հեղինակ։ «Մանչեսթեր Սիթիի» հաջորդ հանդիպումը կկայանա ապրիլի 2-ին «Լեսթերի» դեմ։
