Մադրիդի «Ատլետիկոյի» կիսապաշտպան Կոկեն խոսել է «Բարսելոնայի» դեմ Իսպանիայի գավաթի խաղարկության կիսաեզրափակչի առաջիկա պատասխան խաղի մասին։
Հիշեցնենք, որ առաջին խաղը ավարտվել է ոչ-ոքի՝ 4-4 հաշվով։
«Մենք 100%-ով վերականգնվել ենք վերջին խաղերից հետո և պատրաստ ենք անել այն ամենը, ինչ անհրաժեշտ է թիմի համար։ Մեր երկրպագուները մեզ երբեք չեն հիասթափեցրել, և հիմա խաղացողները պետք է բարձրանան և եզրափակչի ուղեգիր ձեռք բերեն»,- Կոկեի խոսքերն է մեջբերում La Colchoneria-ը։
«Ատլետիկո Մադրիդ» – «Բարսելոնա» հանդիպումը կկայանա ապրիլի 2-ին և կմեկնարկի Երևանի ժամանակով 23։30-ին։
