Ապրիլի առաջին օրը The Telegraph-ը հոդված է հրապարակել հարձակվող Մոհամեդ Սալահի ապագայի մասին։
Աղբյուրի փոխանցմամբ՝ 32-ամյա եգիպտացին դեռ հետաքրքրված է Սաուդյան Արաբիա տեղափոխվելով, սակայն աստղային ֆուտբոլիստը նախ ցանկանում է լսել պայմանագիրը երկարաձգելու «Լիվերպուլի» առաջարկը։
Միաժամանակ նշվում է, որ «Ալ-Հիլալը» չի կարողանա պայմանագիր կնքել Սալահի հետ մինչև Աշխարհի ակումբային առաջնության մեկնարկը։ 2024/2025 մրցաշրջանում Մոհամեդ Սալահը անցկացրել է 43 հանդիպում՝ դառնալով 32 գոլի և 22 գոլային փոխանցման հեղինակ։ «Լիվերպուլը» հարմարավետորեն գլխավորում է ԱՊԼ-ն՝ 12 միավորով առաջ անցնելով երկրորդ տեղում գտնվող «Արսենալից»:
