Հանս-Դիտեր Ֆլիկը` Մադրիդի «Ռեալի» հետ իր թիմի խաղաոճի համեմատության մասին

«Բարսելոնայի» գլխավոր մարզիչ Հանս-Դիտեր Ֆլիկը խոսել է «Ռեալի» հետ իր թիմի խաղաոճի համեմատության մասին։

«Մենք լավ ենք խաղում, բայց չեմ կարծում, որ պետք է համեմատել: «Ռեալը» ֆանտաստիկ թիմ է, և նրա մարզիչը լավագույններից և ամենահաջողակներից մեկն է»,- Ֆլիկի խոսքերն է մեջբերում Cope-ը։

Խաղացված 29 տուրից հետո Իսպանիայի Լա լիգայի մրցաշարային աղյուսակը գլխավորում է «Բարսելոնան», որը կարողացել է վաստակել 66 միավոր։ Մադրիդի «Ռեալը» 63 միավորով երկրորդ տեղում է։

Իսպանիայի առաջնության հերթական տուրում կատալոնացիները սեփական դաշտում կընդունեն «Բետիսին», իսկ «Լոս Բլանկոները» տանը կխաղան «Վալենսիայի» հետ։