«Բարսելոնայի» գլխավոր մարզիչ Հանս-Դիտեր Ֆլիկը պատասխանել է թիմի դարպասապահ Մարկ-Անդրե տեր Շտեգենի վիճակի վերաբերյալ հարցին։ Մասնագետը նշել է, որ պետք չէ շտապել նրա վերադարձի հարցում։
«Պետք է սպասել։ Պետք է շարժվել քայլ առ քայլ։ Հիմա ժամանակը չէ որևէ որոշում կայացնելու։ Անհրաժեշտ է կենտրոնանալ ներկայի վրա։ Մարկի վերականգնումը լավ է ընթանում»,- Ֆլիկի խոսքերը մեջբերում է Cope-ը։
Ընթացիկ մրցաշրջանում 32-ամյա տեր Շտեգենը մասնակցել է բոլոր մրցաշարերում յոթ հանդիպման, բաց է թողել յոթ գնդակ և մեկ անգամ կարողացել է պահպանել իր դարպասը անառիկ։ Ապրիլի 2-ին «Բարսելոնան» արտագնա խաղում կհանդիպի «Ատլետիկոյի» հետ։
