Սերբ կենտրոնական հարձակվող Դուշան Վլահովիչը, ում իրավունքները պատկանում են Թուրինի «Յուվենտուսին», կարող է կարիերան շարունակել Անգլիայի Պրեմիեր լիգայում։ Այս մասին հայտնում են Teamtalk-ի լրագրողները։

Աղբյուրի համաձայն՝ հարձակվողի ծառայություններով հետաքրքրված է Բիրմինգհեմի «Ասթոն Վիլան»: Թուրինյան ակումբը պատրաստ է բաժանվել սերբից, եթե նրա համար առաջարկեն 40 մլն եվրո։

Կողմերի միջեւ գործող պայմանագիրն ավարտվում է հաջորդ տարվա ամռանը։ Այս մրցաշրջանում 25-ամյա կենտրոնական հարձակվողը անցկացրել է 35 հանդիպում։ Վլահովիչը խփել է 14 գոլ և կատարել երեք արդյունավետ փոխանցում։