«Ալ-Նասրի» պորտուգալացի հարձակվող Կրիշտիանու Ռոնալդուն առաջիկա ամռանը կարող է փոխել ակումբային գրանցումը։ Այս մասին հայտնում է TodoFichajes-ը։
Աղբյուրի համաձայն՝ 40-ամյա պորտուգալացի հարձակվողը Սաուդյան Արաբիայի առաջնության մեկ այլ ակումբում կարիերան շարունակելու տարբերակ ունի։ Ռոնալդուին ձեռք բերելու հետաքրքրություն է ցուցաբերել գործող չեմպիոն «Ալ-Հիլալը»։
Կրիշտիանուի պայմանագրի ժամկետը «Ալ-Նասրի» հետ ավարտվում է առաջիկա ամռանը։ Եթե կողմերը չերկարաձգեն համագործակցությունը, ապա «Ալ-Հիլալը» կարող է անվճար ձեռք բերել պորտուգալացուն։
Ընթացիկ մրցաշրջանում «Ոսկե գնդակի» հնգակի դափնեկիրը սաուդական ակումբի կազմում անցկացրել է 33 հանդիպում, դարձել 28 գոլի և 4 գոլային փոխանցման հեղինակ։
