«Բարսելոնան» և Մադրիդի «Ռեալը» ցանկանում են իրենց շարքերում տեսնել Դորտմունդի «Բորուսիայի» գերմանացի պաշտպան Նիկո Շլոտերբեքին։ Այս մասին հայտնում է Fichajes-ը։
Աղբյուրի տեղեկություններով՝ 25-ամյա խաղացողի ձեռքբերումը այս պահին առաջնահերթություն չէ երկու ակումբի համար, սակայն նրանք արդեն սկսել են պայքարել նրա համար։
Միևնույն ժամանակ նշվում է, որ իսպանական գրանդերը պետք է շտապ որոշում կայացնեն, քանի որ խաղացողի ծառայություններով հետաքրքրված են մի շարք թոփ ակումբներ, ինչպիսիք են ՊՍԺ-ն, «Լիվերպուլը», «Արսենալը» և «Նյուքասլը»։
Ընթացիկ մրցաշրջանում գերմանացի պաշտպանը դորտմունդցիների կազմում մասնակցել է 37 հանդիպման՝ դառնալով 6 գոլային փոխանցման հեղինակ։