Մյունխենի «Բավարիայի» հարձակվող Լերոյ Սանեն ցանկանում է մնալ ակումբում։

Այս մասին հայտնում է Sky Sport-ը։

Ֆուտբոլիստը պատրաստ է ընդունել աշխատավարձի նվազեցում, որպեսզի երկարաձգի պայմանագիրը, որն ավարտվում է ամռանը։ Մյունխենյան ակումբը Սանեին պայմանագիրը երկարաձգելու գրավոր առաջարկ դեռ չի արել։

Սպասվում է, որ ֆուտբոլիստի ապագայի վերաբերյալ որոշում կկայացվի 1-3 շաբաթվա ընթացքում։

Ընթացիկ մրցաշրջանում Սանեն ակումբի կազմում անցկացրած 36 խաղում դարձել է 11 գոլի և 4 գոլային փոխանցման հեղինակ։