«Յուվենտուսի» հարձակվող Արկադիուշ Միլիկը մոտ ժամանակներս կարող է հեռանալ ակումբից։

Վնասվածքի պատճառով 31-ամյա լեհ ֆուտբոլիստն այս մրցաշրջանում ոչ մի անգամ խաղադաշտ դուրս չի եկել։

Հարձակվողի պայմանագիրը թուրինյան ակումբի հետ ավարտվում է 2026 թվականի ամռանը, սակայն ակումբի ղեկավարությունը դիտարկում է պայմանագիրը վաղաժամկետ խզելու հնարավորությունը։ Այս մասին հայտնում է լրագրող Նիկոլո Շիրան։

Նախորդ մրցաշրջանում լեհը բոլոր մրցաշարերում «Ծեր սինյորայի» կազմում անցկացրած 32 խաղում դարձել է ութ գոլի հեղինակ։