«Բարսելոնայի» հարձակվող Ֆերան Տորեսը շարունակում է հետաքրքրել Անգլիայի Պրեմիեր լիգայի ներկայացուցիչներին։ 25-ամյա խաղացողին շարունակում են կապել Անգլիա վերադառնալու հետ՝ «բլաուգրանայի» կազմում անհամապատասխան ելույթների ֆոնին:
Ինչպես հայտնում է Transfer News Live-ը, իսպանացու թիրախում են անգլիական «Թոթենհեմը», «Ասթոն Վիլան» և «Նյուքասլը»: Հիշեցնենք, որ Ֆերան Տորեսը մեկուկես տարի պատկանում էր «Մանչեսթեր Սիթիին», որտեղից 2022 թվականի սկզբին տեղափոխվեց «Բարսելոնա»։
Այս մրցաշրջանում «Վալենսիայի» շրջանավարտը կատալոնական գրանդի գույներով անցկացրած 34 խաղում դարձել է 15 գոլի և 3 գոլային փոխանցման հեղինակ։ Transfermarkt պորտալը ֆուտբոլիստի արժեքը գնահատում է 28 միլիոն եվրո։
