Լոնդոնի «Արսենալի» գլխավոր մարզիչ Միկել Արտետան պատասխանել է թիմի վինգեր Բուկայո Սակայի առողջական վիճակի մասին հարցին։
«Բուկայո Սական պատրաստ է։ Նա արդեն կարող էր խաղադաշտ դուրս գալ «Ֆուլհեմի» դեմ խաղում։ Նա իսկապես ցանկանում է վերադառնալ խաղադաշտ»,- Արտետայի խոսքերն է մեջբերում հայտնի լրագրող Ֆաբրիցիո Ռոմանոն։
Այս մրցաշրջանում 23-ամյա ֆուտբոլիստը բոլոր մրցաշարերում մասնակցել է 24 հանդիպման՝ դառնալով 9 գոլի և 14 գոլային փոխանցման հեղինակ։
