Լոնդոնի «Չելսին» հույս ունի ձեռք բերել «Լիվերպուլի» դարպասապահ Կաոմհին Կելեհերին: Իռլանդացին հունվարից կարող է դառնալ «Լիվերպուլի» երրորդ դարպասապահը, քանի որ թիմի շարքերը համալրելու է Գեորգի Մամարդաշվիլին։
Ինչպես հաղորդում է Football Insider-ը, «Չելսին» պատրաստ է Կելեհերի համար առաջարկել 40 միլիոն ֆունտ (գրեթե 48 միլիոն եվրո): Transfermarkt պորտալը 26-ամյա դարպասապահի արժեքը գնահատում է զգալիորեն ցածր՝ 22 միլիոն եվրո:
Այս մրցաշրջանում Կաոմհին Կելեհերը «Լիվերպուլի» կազմում անցկացրել է 18 հանդիպում՝ բաց թողնելով 17 գոլ։
