Մադրիդի «Ռեալի» հարձակվող Կիլիան Մբապպեն խոսել է ֆուտբոլային դաշտից դուրս իր կյանքի մասին։
«Բացի ֆուտբոլիստ լինելուց, ես սովորական մարդ եմ, ես իր կյանքով ապրող մարդ եմ, ով տեսնում է, թե ինչ է կատարվում, ում ինչ-որ բան է դուր գալիս, ինչ-որ բանի համար զղջում է, ինչ-որ բանից զայրանում է։
Եվ, ի վերջո, ես իմ կարծիքն եմ հայտնում՝ ելնելով իմ արժեքներից, որոնք օգտակար եմ համարում ինձ և ամբողջ աշխարհի համար»,- ասել է ֆուտբոլիստը La Sexta-ին տված հարցազրույցում։
Հիշեցնենք, որ Կիլիան Մբապպեն «Ռեալում» հանդես է գալիս 2024 թվականի ամառվանից, այս մրցաշրջանում 26-ամյա ֆրանսիացին բոլոր մրցաշարերում անցկացրել է 45 հանդիպում՝ դառնալով 33 գոլի հեղինակ։
Իր կարիերայի սկզբում հարձակվողը հանդես է եկել այնպիսի թիմերում, ինչպիսիք են ՊՍԺ-ն և «Մոնակոն»։
