«Բարսելոնայի» գլխավոր մարզիչ Հանս-Դիտեր Ֆլիկը խոսել է թիմի պաշտպան Էրիկ Գարսիայի խաղի մասին։
«Գարսիան հիանալի ֆուտբոլ է ցուցադրում։ Նա լավ է մարզվում, իսկական պրոֆեսիոնալի պես։ Նա լավ է վարվում բոլորի հետ հանդերձարանում, և այն փաստը, որ նա կարող է խաղալ մի քանի դիրքերում, մեզ մեծ առավելություն է տալիս», – Ֆլիկի խոսքերն է մեջբերում Barca Universal-ը։
Կիրակի օրը «Ժիրոնայի» դեմ խաղը Գարսիայի համար 100-րդն էր «Բարսելոնայի» կազմում։ Այս մրցաշրջանում 24-ամյա խաղացողը խաղադաշտ է դուրս եկել 30 անգամ՝ դառնալով 3 գոլի հեղինակ։
