«Մանչեսթեր Սիթիի» կենտրոնական հարձակվող Էրլինգ Հոլանդը վնասվածք է ստացել Անգլիայի գավաթի քառորդ եզրափակչի «Բորնմութի» դեմ խաղում։

Հանդիպումն ավարտվել է «Քաղաքայինների» հաղթանակով՝ 2-1 հաշվով։

Երկրորդ խաղակեսի միջնամասում նորվեգացին վնասվածքի պատճառով լքեց խաղադաշտը։ Վնասվածքի լրջությունը դեռ պարզ չէ։

Այս մրցաշրջանում նորվեգացի հարձակվողը մասնակցել է «Մանչեսթեր Սիթիի» 40 հանդիպման և դարձել 30 գոլի հեղինակ։