Մադրիդի «Ռեալի» գլխավոր մարզիչ Կառլո Անչելոտտին ասել է, որ ֆրանսիացի հարձակվող Կիլիան Մբապպեն մադրիդյան թիմի ճամբարում կարող է հասնել այն ամենին, ինչ պորտուգալացի հարձակվող Կրիշտիանու Ռոնալդուն է հասել, ով այժմ հանդես է գալիս «Ալ-Նասրում»։
«Կարող եմ Մբապպեին խորհուրդ տալ հասնել այն ամենին, ինչին Կրիշտիանուն հասավ «Ռեալում»։ Նա նման հնարավորություն ունի։ Դա նշանակում է, որ նա կդառնա Կրիշտիանուի պես լեգենդ»,- Անչելոտտիի խոսքերն է մեջբերում AS-ը։
Ավելի վաղ Մբապպեն խփեց իր 33-րդ գոլն այս մրցաշրջանում և հասավ պորտուգալացի աստղ Կրիշտիանու Ռոնալդուին և հոլանդացի նախկին հարձակվող Ռուդ վան Նիստելռոյին Մադրիդի «Ռեալի» կազմում իր առաջին մրցաշրջանում խփած գոլերով։
