Մադրիդի «Ռեալի» գլխավոր մարզիչ Կառլո Անչելոտտին պատասխանել է այն հարցին, թե արդյոք իրեն մտահոգում է հարձակվող Էնդրիկի սահմանափակ խաղաժամանակը։
«Ո՞վ է մտահոգված։ Չգիտեմ։ Ես գոհ եմ դրանից։ Ես նրան րոպեներ էի տրամադրում, երբ հնարավորություն ունեի, և նա միշտ օգտվում էր հնարավորությունից։ Նա անհանգստանո՞ւմ է։ Չգիտեմ։ Նա հնարավորություն ունի խաղալու վաղը «Ռեալ-Սոսյեդադի» դեմ Իսպանիայի գավաթի կիսաեզրափակչում։ Ես մտածում եմ նրան խաղադաշտ դուրս բերելու մասին։
Դա կախված է բազմաթիվ գործոններից։ Դա մրցակցության հարց է։ Թիմում շատ բարձր մակարդակի խաղացողներ կան։ Եվ կարծում եմ, որ այս ակումբի պատմությունը ցույց է տալիս, որ մեկնարկային կազմի խաղացողներից շատերը երկար ժամանակ նստած են պահեստայինների նստարանին։
Եթե ցանկանում ես խաղալ «Ռեալում», ապա պետք է որոշ ժամանակ նստես պահեստայինների նստարանին»,- Անչելոտտիի խոսքերն է մեջբերում Marca-ն։
«Ռեալում» իր առաջին մրցաշրջանում Էնդրիկը անցկացրել է 28 հանդիպում բոլոր մրցաշարերում և դարձել 6 գոլի հեղինակ։
