Կատալոնական «Բարսելոնան» շարունակում է հետաքրքրվել Իսպանիայի և Բիլբաոյի «Ատլետիկի» վինգեր Նիկո Ուիլյամսի ծառայություններով: Այս մասին հայտնում են Diario Sport-ի լրագրողները։
«Բլաուգրանան» փորձեց ձեռք բերել իսպանացուն անցյալ ամառ, սակայն գործարքը ձախողվեց: Այժմ կատալոնացիները դիտարկում են ընթացիկ մրցաշրջանի ավարտին տրանսֆերի հնարավորությունը։ Ուիլյամսի գործող պայմանագիրը «Ատլետիկի» հետ նախատեսված է մինչև 2027 թվականի կեսերը:
Ֆուտբոլիստի տրանսֆերային արժեքը գնահատվում է 70 միլիոն եվրո։ Իսպանիայի առաջնության ընթացիկ մրցաշրջանում Նիկոն մասնակցել է 25 հանդիպման՝ դառնալով չորս գոլի և 5 գոլային փոխանցման հեղինակ։
