«Մանչեսթեր Սիթիի» գլխավոր մարզիչ Պեպ Գվարդիոլան հասկացրել է, որ աջ պաշտպան Կայլ Ուոքերը մշտական հիմունքներով կտեղափոխվի «Միլան»։
Իտալական ակումբը հունվարին վարձավճարով պայմանագիր է կնքել անգլիացու հետ՝ գնելու հնարավորությամբ։ Սպասվում է, որ 34-ամյա խաղացողը մշտական հիմունքներով կմիանա «ռոսոներիներին»։ Լրագրողները Գվարդիոլային հարցրել են, թե արդյոք նա Ուոքերին համարում է «Մանչեսթեր Սիթիի» ֆուտբոլիստ։
«Նա «Միլանի» ֆուտբոլիստն է։ Ես կապ չեմ պահպանում նրա հետ»,- իսպանացու խոսքերն է մեջբերում City Xtra-ն։
Քայլ Ուոքերը «Քաղաքայինների» կազմում հանդես էր գալիս 2017 թվականից։
