Մադրիդի «Ռեալի» ֆրանսիացի հարձակվող Կիլիան Մբապպեն խոսել է «Ալ-Նասրի» պորտուգալացի հարձակվող Կրիշտիանու Ռոնալդուի հետ իր շփման մասին։
«Կրիշտիանու Ռոնալդուն և ես հաճախ ենք շփվում։ Նա ինձ շատ խորհուրդներ է տալիս։ Ես շատ ուրախ եմ, որ նա նույնքան գոլ խփեց իր առաջին մրցաշրջանում, մենք գիտենք, թե ինչ է նա ներկայացնում բոլորիս համար, բայց իրական կարևորը «Ռեալի» հետ տիտղոսներ նվաճելն է»,- Մբապպեի խոսքերը մեջբերում է Ֆաբրիցիո Ռոմանոն։
Ավելի վաղ հաղորդվում էր, որ Մբապպեն այս մրցաշրջանում խփեց իր 33-րդ գոլը և հասավ պորտուգալացի աստղ Կրիշտիանու Ռոնալդուին և հոլանդացի նախկին հարձակվող Ռուդ վան Նիստելռոյին Մադրիդի «Ռեալի» կազմում իր առաջին մրցաշրջանում խփած գոլերով։
