«Լիվերպուլի» հարձակվող Դարվին Նունյեսը կարող է կարիերան շարունակել անգլիական Պրեմիեր լիգայի մեկ այլ ակումբում։ Ուրուգվայցու գլխավոր հավակնորդները համարվում են Սաուդյան Արաբիայի առաջնության ներկայացուցիչները, սակայն խաղացողի պահանջարկը կա նաև Եվրոպայում։

Ինչպես հայտնում է TEAMtalk-ը, 24-ամյա հարձակվողի ծառայություններով հետաքրքրված են «Նյուքասլը» և «Նոթինգհեմ Ֆորեսթը»: Այս մրցաշրջանում Դարվին Նունյեսը «Լիվերպուլի» կազմում անցկացրել է 40 հանդիպում՝ դառնալով 7 գոլի և 7 գոլային փոխանցման հեղինակ:

Transfermarkt պորտալի փորձագետների կարծիքով՝ «կարմիրների» ֆուտբոլիստի արժեքը կազմում է 50 միլիոն եվրո։